គម្រោងស្អាតបានវិលត្រឡប់មកវិញហើយជាមួយនឹងវគ្គបណ្ដុះបណ្ដាលថ្មីស្ដីអំពី “ការអភិវឌ្ឍខ្លួនដើម្បីស្វែងយកទំនាក់ទំនងដ៏មានប្រសិទ្ធភាព”
គម្រោងស្អាតបានវិលត្រឡប់មកវិញហើយជាមួយនឹងវគ្គបណ្ដុះបណ្ដាលថ្មីស្ដីអំពី “ការអភិវឌ្ឍខ្លួនដើម្បីស្វែងយកទំនាក់ទំនងដ៏មានប្រសិទ្ធភាព” (Self development for effective communication) ដែលមានការណែនាំ និងចែករំលែកគន្លឹះជាច្រើនពីលោក ផល្លា រ័ត្នសំណាង ដែលជាគ្រូបង្វឹកក្នុងកម្មវិធី ។ លើសពីនេះទៅទៀត ក្រុមការងារគម្រោងស្អាតក៏បានរៀបចំបទបង្ហាញតម្រង់ទិស ស្ដីអំពីការងារ និង ជំនាញជាច្រើន ដែលយុវជនសុច្ឆន្ទៈស្អាតយើងនឹងត្រូវជួបប្រទះ សិក្សាស្វែងយល់ និងបង្ហាញសមត្ថភាព អំទ្បុងពេលដំណើរការនៃគម្រោងស្អាត។ក្នុងនោះដែរ លោក ហៃ ភិរម្យ សហស្ថាបនិកមួយរូបនៃគម្រោងស្អាត បានចែករំលែកបទពិសោធន៍ជាច្រើន អំពីវឌ្ឍនភាពនៃគម្រោងស្អាត និងបានពញ្ញាក់ស្មារតីទាំងក្រុមកាងារ និងយុវជនសុច្ឆន្ទៈគ្រប់រូបឲ្យប្រកាន់ខ្ជាប់គោលដៅ និងការរំពឹងទុករបស់បុគ្គលម្នាក់ៗដើម្បីសម្រេចកិច្ចការនីមួយៗឲ្យបានជោគជ័យ។ ក្រុមការងារសង្ឃឹមថាសកម្មភាពបណ្តុះបណ្តាលនេះនឹងជួយពង្រឹងសមត្ថភាពរបស់យុវជនសុច្ឆន្ទៈស្អាតព្រមទាំងជួយឱ្យគម្រោងស្អាតបន្តបោះជំហានទៅខាងមុខនៅលើផ្លូវដ៏វែងឆ្ងាយ ដើម្បីបរិស្ថានស្អាត ភ្នំពេញស្អាត ខេត្តក្រុងស្អាត និងប្រទេសកម្ពុជាស្អាត។
#ភ្នំពេញស្អាត#ស្អាតជាទម្លាប់ថ្មី
