យុទ្ធនាការភ្នំពេញស្អាតឆ្នាំ២០២១ ក្រោមទិសស្លោក៖ «ទម្លាប់ថ្មី ទម្លាប់ស្អាត» ត្រូវបានបិទបញ្ចប់ជាស្ថាពរ និងប្រកបដោយលទ្ធផលគួរជាទីមោទន
យុទ្ធនាការភ្នំពេញស្អាត សម្រាប់ឆ្នាំ២០២១នេះ ត្រូវបានបញ្ចប់ដោយរលូន និងទទួលបានជោគជ័យជាមួយនឹងសមិទ្ធផលគួរជាទីមោទនៈ បន្ទាប់ពីបានដំណើរការពេញមួយខែវិច្ឆិកា។
នៅក្នុងឆ្នាំ២០២១ ត្រូវជាឆ្នាំទី៥នៃ យុទ្ធនាការភ្នំពេញស្អាត បានសម្រេចបាននូវសកម្មភាពមួយចំនួនគួជាទីមោទនៈ ដែលក្នុងចំណោមនោះមាន ការសម្ភាសជាមួយនាយកប្រតិបត្តិ (Executives), ការសម្ភាសជាមួយអ្នកជួរមុខ (Frontliners), កិច្ចពិភាក្សាជាលក្ខណៈតុមូល (Panel Discussions) ដែលផ្តោតចម្បងទៅលើប្រធានបទ៖ «ទម្លាប់ថ្មី ទម្លាប់ស្អាត»។ មិនតែប៉ុណ្ណោះ ក្រុមការងារគម្រោងស្អាតក៏បានធ្វើការសហការជាមួយភ្នាក់ងារផ្សព្វផ្សាយ និងបុគ្គលដែលឥទ្ធិពលក្នុងបណ្តាញសង្គម ដើម្បីធ្វើការផ្សព្វផ្សាយឲ្យបានទូលំទូលាយដល់សាធារណជនទូទៅ ឲ្យបានយល់ដឹងខ្លឹមសារ និងមាតិកាទាក់ទងនឹង «ទម្លាប់ថ្មី ទម្លាប់ស្អាត»។ បន្ថែមពីលើនេះទៀត ក្រុមការងារយុទ្ធនាការភ្នំពេញស្អាត ក៏បានបង្កើតគោលការណ៍គ្រឹះនៃ «ទម្លាប់ថ្មី ទម្លាប់ស្អាត» ជាលក្ខណៈវីដេអូគំនូរជីវចល ដើម្បីចូលរួមជាសហវិជ្ជមានជាមួយរាជរដ្ឋាភិបាលក្នុងការប្រយុទ្ធប្រឆាំងនឹងមេរោគកូវីដ១៩។
ឆ្លៀតក្នុងឱកាសនេះក្រុមការងារប្រតិបត្តិគម្រោងស្អាត សូមថ្លែងអំណរគុណយ៉ាងជ្រាលជ្រៅចំពោះកិច្ចសហការ ការឧបត្ថម្ភគាំទ្រ និងការជួយជ្រោមជ្រែងយ៉ាងពេញទំហឹងមកលើយុទ្ធនាការភ្នំពេញស្អាត ឆ្នាំ២០២១ ពីសំណាក់ក្រសួងបរិស្ថាន រដ្ឋបាលរាជធានីភ្នំពេញ និងសូមថ្លែងអំណរគុណដល់ស្ថាប័នរដ្ឋ ឯកជន ក្រុមហ៊ុន អង្គការ សមាគមនានាព្រមទាំងសាធារណជនពីគ្រប់មជ្ឈដ្ឋានដែលតែងតែគាំទ្រគម្រោងស្អាតកន្លងមក។
#ភ្នំពេញស្អាត #PhnomPenhSAAT #ទម្លាប់ថ្មីទម្លាប់ស្អាត
—————————
🔗 តំណភ្ជាប់ Facebook: https://bit.ly/3I5npcU
🔗 តំណភ្ជាប់ IGTV: https://bit.ly/3I5nywY
